وتكەن دەمالىس كۇندەرى قىزىلوردا وبلىسى ەلوردادا اۋىل شارۋاشىلىعى ونىمدەرىنىڭ جارمەڭكەسىن وتكىزدى. «قازاقستان» سپورت كەشەنىنىڭ الدىندا ەكى كۇن قاتارىنان وتكەن جارمەڭكەدە ازىق-ت ۇلىك, باۋ-باقشا ونىمدەرى ارزان باعادا ساتىلدى.
سىر ءوڭىرى وسىمەن ءتورتىنشى رەت جارمەڭكە وتكىزىپ وتىر. بۇل جولى دا ولار جەمىس-جيدەك, كوكونىس تۇرلەرىن, بالىق, ەت, كۇرىش, ءسۇت ونىمدەرىن اكەلىپ, ەلوردالىقتاردى جارىلقاپ تاستادى. اسىرەسە, سىردىڭ اتاقتى اق كۇرىشى مەن ءتاتتى قاۋىن-قاربىزىن جۇرتشىلىق قاپ-قابىمەن اكەتىپ جاتتى.
قىزىلوردا وبلىستىق اۋىل شارۋاشىلىعى باسقارماسىنىڭ ازىق-ت ۇلىك قاۋىپسىزدىگىن قامتاماسىز ەتۋ ءبولىمىنىڭ باسشىسى ەرحان اعىبايدىڭ ايتۋىنشا, جارمەڭكەگە بارلىعى 270 توننا اۋىل شارۋاشىلىعى ونىمدەرى اكەلىنگەن. اتاپ ايتقاندا, كۇرىش – 75 توننا, جىلقى ەتى – 7 توننا, سيىر ەتى – 7 توننا, ءسۇت ونىمدەرى – 3,5 توننا, قىمىز – 1,25 توننا, شۇبات – 1,25 توننا, ارا بالى - 0,2 توننا, بالىق – 6 توننا, كونفەت – 0,5 توننا, كوكونىس, قيار, قىزاناق – 20 توننا, الما, المۇرت, ورىك, بانان – 6 توننا, كارتوپ – 6 توننا, ءسابىز – 3 توننا, قىرىققابات - 15 توننا, سوك, تالقان – 1,5 توننا, اس تۇزى – 5 توننا, قاۋىن – 60 توننا, قاربىز – 40 توننا, تاعى باسقا دا ءونىم ءتۇرى ۇسىنىلدى.
قىمبات توقتامۇرات,
«ەگەمەن قازاقستان»